धनगढी : धनगढीको नवजीवन अस्पतालमा ज्यान गुमाएकी सुत्केरी महिलाको शव आफन्तले बुझेका छन् । डोटीको शिखर नगरपालिका–६ की २६ वर्षीया सुत्केरी कल्पना सिंह ठकुरीको उच्च रक्तस्राव भएपछि आइतबार बिहान मृत्यु भएको थियो ।
आफन्तले चिकित्सलाई कारबाही तथा क्षतिपूर्तिको माग राख्दै शव नउठाउने अडान लिँदै आएका थिए। उनको गर्भमा रहेको बच्चालाई भ्याकुम प्रयोग गरेर निकालिएपछि रक्तस्राव भएको अस्पतालले जनाएको थियो ।
मंगलबार अपराह्न भने अस्पताल र आफन्तबीच सहमति जुटेपछि आफ्न्तले शव बुझेको जिल्ला प्रशासन कार्यालय कैलालीका सुचना अधिकारी शिवराज जोशीले जानकारी दिए । उनका अनुसार शवको आजै अन्त्येष्टि समेत गरिएको छ ।
