धनगढी : तेस्रो दीपेन्द्र स्वार स्मृति क्रिकेट प्रतियोगिताको अन्तिम फाइनल खेलमा टिम महेन्द्रनगर विजयी भएको छ ।
दिपु सोसाइटी धनगढीको आयोजनामा यही मङ्सिर २९ गतेदेखि पुस ५ गते सम्म सञ्चालित प्रतियोगिताको अन्तिम दिन सोमबार टिम महेन्द्रनगर विजयी भएको हो ।
कैलाली बहुमुखी क्याम्पस धनगढीको खेल मैदानमा २० ओभर को खेल भएको थियो । फाइनल खेलमा धनगढीको शिवनगर लायन्स क्लब धनगढी र एबि सप्लार्यस महेन्द्रनगर बिच प्रतिस्पर्धा भएको थियो ।
सो खेलमा टिम महेन्द्रनगर २१० रनको लक्ष्य दिएर शिवनगर लायन्स क्लब टिम लाई १४९ मा अल आउट गरेर विजय भएको छ ।
विजयी हुने टिम एबि सप्लार्यस महेन्द्रनगरले ट्रफि सहित रु. १ लाख प्राप्त गरेको छ । भने उप-विजेता धनगढीको शिवनगर लायन्स क्लब ले रु ५० हजार पाएको छ ।
यस्तै, मैन ऑफ द सिरिज शिवनगर लायन्स क्लबका महेन्द्र चन्द, उत्कृष्ट बलर एबि सप्लार्यस महेन्द्रनगरका महेश बिस्ट र बिस्ट ब्याटर एबि सप्लार्यस महेन्द्रनगरकै नितेस बिस्ट भएका छन् ।
