धनगढी : हिमालय टेलिभिजनबाट प्रशारण भइरहेको चर्चित रियालिटी शो ‘दि भ्वाइस अफ नेपाल सिजन–४’ मा अछामका आशिष महर नकआउट राउण्ड पार गर्दै भोटिङ राउण्डमा प्रवेश गरेका छन् ।
ब्लाइन्ड अडिसनमा रामचन्द्र काफ्लेको ‘हिमाल हिंउ पडिगयो ’ बोलको गीत गाएर चारै कोचलाई घुमाउदै टिम प्रमोदलाई छनोट गर्दै भ्वाइस अफ नेपाल सिजन–४’ मा प्रवेश गरेका थिए ।
अछाम मेल्लेख गाँउपालिकाको दोगडा घर भएका महर शुक्रबार भएको नकाउट राउन्डमा वर्षा राई मानन्धर, दिप किरातीसंग ब्याटल लडेका थिए । तीनमध्ये टिम प्रमोदले छनोट गरेसङ्गै महर भोटिङ राउण्डमा प्रवेश गरे ।
नकाउट राउण्डमा महरले ए बाबरी गित गाएका थिए ।
शुक्रवारदेखि नकाउट राउण्ड सुरु भएको छ ।
‘दि भ्वाइस अफ नेपाल सिजन–४’ मा कोचको रुपमा राजु लामा, प्रमोद खरेल, राजेश पायल राई र प्रविशा अधिकारी रहेका छन् ।
