धनगढीः सुदूरपश्चिम प्रदेश सभाका सभामुख अर्जुन बहादुर थापा द्वारा लिखित तीर्थ प्रसादको जीवन यात्रा पुस्तकको आज एक कार्यक्रमका बिच लोकार्पण गरिएको छ । सुदूरपश्चिम प्रदेश प्रमुख शर्मिला त्रिपाठी र मुख्य मन्त्री त्रिलोचन भट्टले संयुक्त रूपमा उक्त पुस्तक लाई लोकार्पण गर्नु भएको हो ।
बझाङको खप्तड छान्ना गाउँपालिकामा जन्मनु भएका थापाले आफ्नो व्यक्तिगत जीवन यात्रा लाई यस पुस्तकमा समावेश गर्नु भएको छ । आफूले २०७१ साल देखि उक्त पुस्तक लेख्न सुरु गरेको लेखक तथा सभामुख थापाले बताए । उनले आफू फुर्सदमा रहेको समयमा आफ्नो जीवनको भोगाई लाई स्मरण गर्नका लागी पुस्तक लेखेको बताएका छन् ।
