धनगढी : लिटल फ्लावर बोर्डिङ हाई स्कुल धनगढीले विद्यालयमा कार्यरत शिक्षकहरूका लागि आयोजना गरेको सिकाई सहजीकरण सम्बन्धी २ दिने तालिम शनिवार सम्पन्न भएको छ । शुक्रवार बाट सुरु भएको तालिममा शिक्षा तालिम केन्द्र दिपायलका वरिष्ठ प्रशिक्षक भीम प्रसाद पनेरुले प्रशिक्षण दिनु भएको थियो ।
उक्त तालिमको आज एक समारोहका बिच समापन गरिएको हो । तालिम समापन समारोहमा प्रमुख अतिथिको आसनबाट बोल्दै प्यावसन कैलालीका अध्यक्ष टोपेन्द्र शाहले प्यावसन कैलालीले पनि आगामी दिनमा शिक्षकहरूको क्षमता विकासका लागी तालिम सञ्चालन गर्ने बताएका छन् ।
विद्यालयका संस्थापक प्रिन्सिपल रामचन्द्र शाहीको सभापतित्व तथा प्यावसन कैलालीका अध्यक्ष टोपेन्द्र शाहको प्रमुख आतिथ्यमा तालिम सम्पन्न भएको थियो ।
तालिम सञ्चालन गरेपछि हामी शिक्षकहरूलाई अबका दिनहरूमा हामी हाम्रा विद्यार्थी भाई बहिनीहरुलाई अझ थप हौसलाका साथ हामी कक्षामा प्रस्तुत हुने लिटल फ्लावर बोर्डिङ हाई स्कुलका शिक्षिका हरिसचन्द्र शाहीले बताउनु भयो ।
