कैलाली : प्रेस सेन्टर नेपाल कैलालीले आफ्नो १८ औँ स्थापना दिवसको अवसरमा पत्रकारहरूलाई मास्क वितरण गरेको छ ।
प्रेस सेन्टर नेपाल कैलालीका अध्यक्ष तेजराज भट्टले पत्रकारहरूले कोरोनाको बेला पनि जोखिम मोलेरै रिपोर्टिङ गर्नुपर्ने बाध्यतालाई ध्यान दिँदै स्वास्थ्य सुरक्षाका लागि मास्क वितरण गरिएको बताए ।
सेन्टरका अध्यक्ष भट्टले नेपाल पत्रकार महासङ्घ कैलालीका अध्यक्ष हिमालय जोशीलाई मास्क उपलब्ध गराएर वितरण कार्यको सुरुवात गरे ।
मास्क वितरण कार्यक्रममा धनगढीबाट विभिन्न सञ्चार माध्यममा आबद्ध पत्रकारहरूको सहभागिता रहेको थियो ।
