धनगढी : हुम्लाको खेतबारीमा प्राचीन कालको शिलालेख भेटिएको छ। जिल्लाको सर्केगाड गाउँपालिका वडा नं. ७ को खेतबारीमा परापूर्व कालको एक शिलालेख फेला परेको हो ।
सामान्य नेपाली भाषा लेखपढ गर्न जान्ने जो सुकै व्यक्तिले पढ्न नसक्ने उक्त शिलालेख कोट माध्यमिक विद्यालय नजिकैको खेतबारीमा फेला परेको कोट माध्यमिक विद्यालयमा कार्यरत शिक्षक सुरेन्द्र दत्त भट्टले जानकारी दिए ।
उक्त शिलालेखमा लेखेको कुरा कसैलाई जानकारी नहुँदा तीव्र चासोको विषय बनेको र सो भाषा सम्बन्धी जानकारी भएका विज्ञ व्यक्तिको खाँचो देखिएको भट्टले बताए ।
यो विषयमा पुरातत्त्व विभागले चासो देखाए कुनै ऐतिहासिक कुराको बारेमा समेत जानकारी सक्ने उनको विश्वास रहेको छ ।
अहिले शिलालेख वडा नं. ७ का निवर्तमान वार्ड अध्यक्ष कृष्ण प्र. जैसीको पहलमा कोट माध्यमिक विद्यालय रोडिकोट हुम्लामा सुरक्षित राखिएको जनाइएको छ ।
