धनगढी : कैलाली जिल्ला फुटबल संघको आयोजनामा चलिरहेको एसपीए कलेज एन्फा अन्तरविद्यालय U–14 छात्र तथा छात्रा फुटबल प्रतियोगिता २०८२ आगामी सूचना प्रकाशित नभएसम्मका लागि स्थगित गरिएको संघले जनाएको छ।
कैलाली जिल्ला फुटबल संघका अध्यक्ष अनिल मल्लको मातृवियोगको दुःखद खबर प्राप्त भएपछि प्रतियोगिता स्थगित गर्ने निर्णय गरिएको संघले जानकारी दिएको छ। संघको सचिवालयले विज्ञप्ति जारी गर्दै यस कठिन घडीमा अध्यक्ष मल्ल र सम्पूर्ण परिवारप्रति हार्दिक समवेदना प्रकट गरेको छ।
महिला तथा पुरुष दुवै तर्फका फाइनल खेल कार्तिक २९ गते हुने निर्धारित थियो। संघले अब नयाँ मिति चाँडै सार्वजनिक गरिने बताएको छ।
कैलाली जिल्ला फुटबल संघले सहभागी विद्यालय, टोलि र अभिभावकलाई धैर्य राख्न आग्रह गर्दै प्रतियोगिताका बाँकी खेलको बारेमा आगामी सूचना औपचारिक रूपमा प्रकाशित गरिने जनाएको छ।
सूचना हेर्न क्लिक गर्नुहोस् ।
