धनगढी । प्रहरी सहायक निरिक्षक गोविन्द बिकको हत्यारालाई कारवाहीको माग गर्दै धनगढीमा प्रदर्शन गरिएको छ । मृतकका आफन्तले दोषीलाई कारवाहीको माग गर्दै धनगढीमा प्रदर्शन गरेका छन ।
गस्तीमा गएका बेला वेपत्ता भएका अस्थायी प्रहरी पोष्ट जुगेडाका इन्चार्ज समेत रहेका प्रहरी सहायक निरिक्षक बिक आईतबार बिहान मृत अवस्थामा मोहना नदीमा भेटिएका थिए ।
बिकको हत्या गर्नेलाई कारवाहीको दायरामा ल्याउनुपर्ने, परिवारको भरण पोषणको जिम्मा सरकारले लिनुपर्ने जस्ता माग राख्दै उनीहरु प्रदर्शनमा उत्रिएका हुन् ।
बिकको घाँटी र गर्धन रेटिएको थियो भने उनिसँगै गस्तीमा निस्किएका प्रहरी जवान रामबहादुर साउँदको अवस्था अझै पत्ता लाग्न सकेको छैन । साउँदको खोजी जारी रहेको प्रहरीले जनाएको छ ।
