बैतडीः आजमात्रै बैतडीमा ९ जना कोरोना संक्रमित थपिएका छन् । सोमबार डडेल्धुरा अस्पतालको प्रयोगशाला परीक्षणमा बैतडीका थप ९ जनामा कोरोना पुष्टि भएको स्वास्थ्य कार्यालयका कोभीड १९ सम्पर्क व्यक्ति भुवनप्रसाद जोशीले जानकारी दिनुभयो । पाटन नगरपालिका ६ का २१ बर्षीय पुरुष, मेलौली नगरपालिका १ का १९ बर्षीय, वडा नं २ का २१ र वडा नं ७ का २३ बर्षीय पुरुषमा कोरोना पुष्टि भएको हो ।
यस्तै सुर्नया गाउँपालिका ८ का १९ र २१ बर्षीय पुरुष, दोगडाकेदार गाउँपालिका १ का २१ बर्षीय पुरुष र पञ्चेश्वर गाउँपालिका ५ का १९ बर्षीय महिलामा कोरोना पुष्टि भएको हो । सोमबार थप ९ जनामा कोरोना पुष्टि भएसंगै बैतडीमा संक्रमितको संख्या ४९३ पुगेको छ ।
४९३ संक्रमित मध्ये २४ जना मात्रै सक्रिय संक्रमित रहेका छन् । ४६८ जनाले कोरोना जितेका छन् भने एकजनाको कोरोना कारण मृत्यु भईसकेको छ ।
जिल्लाको पाटन नगरपालिका र दशरथचन्द नगरपालिकामा ७÷७ जना, मेलौली नगरपालिका र सुर्नया गाउँपालिकामा ४÷४ जना र पञ्चेश्वर र दोगडाकेदार गाउँपालिकामा १÷१ जना सक्रिय संक्रमित रहेका स्वास्थ्य कार्यालयले जनाएको छ । जिल्लामा अहिले ६ हजार ३३४ जनाको पीसीआर विधिबाट कोरोना परीक्षण गरिएको छ ।
