धनगढीः बिगत ११ बर्स देखि मानसिक संतुलन गुमाइ गाई गोठमा सिक्रीले बाधेर राखेका बैतडीका रमेश बहादुर चन्दका उद्धार गरिएको छ ।
पन्चेश्वर गाउँपालिका वडा नम्बर २ मटेला बाट गाउँपालिका उपाध्यक्ष बिना भट्ट, वडा सदस्य सेतु चन्द को उपस्थिति धनगढीमा रहेको मानव सेवा आश्रमले उद्धार गरेको हो ।
४ महिना पहिले वडा नम्बर ४ कै आश्रम पुञ्याएकी मानसिक रोगी राधा चन्दलाई उपचार पश्चात पारिबारिक मिलन गराउन शनिवार बैतडी पुगेका मानव सेवा आश्रमका अभिभावक सिद्धराज पनेरु र संयोजक आदर्श ढकालले मानसिक रोगी चन्दलाई उपचारको लागि धनगढी ल्याइएको पनेरुले जानकारी दिए ।
बैतडीवाट आउनका लागि गाडी ब्यबस्थापन पन्चेश्वर गाउँपालिकाले गरेको उनले बताए । मानवसेवा आश्रम कैलालीमा अहिले ३७ जनाले आश्रय लिइरहेका छन् ।
