यातायात व्यवस्था कार्यालय धनगढीको सिसिटिभी फुटेज अख्तियारको चङ्गुलमा

यातायात व्यवस्था कार्यालय धनगढीको सिसिटिभी फुटेज अख्तियारको चङ्गुलमा

यातायात व्यवस्था कार्यालय धनगढी

धनगढीः यातायात व्यवस्था कार्यालय धनगढीको गतिविधिमा अख्तियार दुरुपयोग अनुसन्धान आयोगको नजर गएको छ । नयाँ लाइसेन्सका लागि ’ट्रायल’ खुलेपछि अनियमितता हुने गरेको कुरा बाहिर आएपश्चात् छानबिनका लागि अख्तियार दुरुपयोग अनुसन्धान आयोगले ट्रायल स्थलमा जडान गरिएको सिसिटिभी फुटेज नियन्त्रणमा लिने भएको छ ।

अख्तियार स्रोतका अनुसार यातायात व्यवस्था कार्यालयमा कार्यालय प्रमुखकै मिलेमतोमा गैर कानुनी कामहरू भएका छन् र सोको अनुसन्धानका लागि अख्तियारले यस्तो कदम चालेको हो । अख्तियार स्रोतले भन्यो, ‘प्रमुखका बारेमा धेरै गुनासाहरू आएका छन् । सबैको अनुसन्धान गरी गलत गरेको भेटिएमा उनीमाथि अख्तियार कारवाहीको तयारीमा छ।’ आइतबार नै कार्यालयमा अनुसन्धानको पत्र पुगिसकेको छ ।

स्रोतका अनुसार पैसा खुवाएर लाइसेन्स निकाल्ने, ट्रायलमा फेल भएकाहरूलाई पनि पास गराइदिने, पैसा लिएर लाइसेन्स नै बिक्री गर्ने, सवारी पास गर्दासमेत घुस लिने लगायतका उजुरी अख्तियारमा छन् ।

यातायात कार्यालय धनगढीका प्रमुख लक्ष्मण शाहले पनि अख्तियारले आफ्नो कार्यालयमा अनुसन्धानका लागि चिठी पठाएको कुरा सत्य भएको स्वीकारेका छन् । उनले भने, ‘हाम्रा कर्मचारीले कुनै गलत काम गरेका छन् भन्ने जस्तो मलाई लाग्दैन ।’ बरु उनले आफूले आफ्नो कार्यकालमा परिवर्तन र विकास धेरै गरेको दाबी दाबी गरेका छन् ।

प्रतिक्रिया दिनुहोस्

सम्बन्धित समाचार