वैशाख १७ र २७ गते हुने प्रतिनिधि सभाको निर्वाचनका कैलालीमा तयारी सुरु

धनगढी: आगामी निर्वाचनका लागि जिल्ला निर्वाचन कार्यालय कैलालीले तयारी थालेको छ । वैशाख १७ र २७ गते हुने प्रतिनिधि सभाको निर्वाचनका लागि आयोगले तयारी थालेको हो ।

सोही अनुसार माघ १५ गते सबै स्थानीय तहमा मतदाता नामावली प्रकाशन गर्ने जनाइएको छ । त्यसपछि त्रुटि सच्याउने, मृत्यु भएकाहरुको मतदाता नामावलीबाट नाम हटाउने र दावी विरोध गर्ने लगायतका कार्य हुने आयोगका कैलाली प्रमुख प्रेमराज भट्टले बताए ।

तीन वटै कार्यहरु जिल्लाको १३ वटै स्थानीय तहबाट हुने उनले बताए । सरकारले गत पुस ५ गते प्रतिनिधि सभाको निर्वाचन घोषणा गरिएको थियो । सो अवधिसम्म कैलालीमा पाँच लाख ४६ जना मतदाताको नामावली संकलन भएको छ । यो नामावलीलाई अन्तिम रुप दिन बाँकी रहेको जनाइएको छ ।