कक्षा १२ को परीक्षाफल सार्वजनिकः नतिजा हेर्न यहाँ क्लिक गर्नुहोस् !

कक्षा १२ को परीक्षाफल सार्वजनिकः नतिजा हेर्न यहाँ क्लिक गर्नुहोस् !

राष्ट्रीय परिक्षा बोर्ड

काठमाडौं:  राष्ट्रिय परीक्षा बोर्ड, परीक्षा नियन्त्रण कार्यालयले कक्षा १२ को नतिजा सार्वजनिक गरेको छ । परीक्षा बोर्डको सोमबारको निर्णयअनुसार परीक्षाफल प्रकाशित गरिएको हो ।

बोर्डले कोरोनाका कारण निर्धारित वार्षिक तालिका भन्दा ढिला गरी मंसिरमा र संक्रमित परीक्षार्थीहरुको पुस महिनामा परीक्षा सञ्चालन गरेको थियो । परीक्षामा नियमिततर्फ ३ लाख १० हजार ३१६ जना र ग्रेडवृद्धितर्फ ९१ हजार ९०० तथा आंशिकतर्फ ३१ हजार ५५ गरी कुल ४ लाख ३३ हजार २७१ जना सहभागी भएका थिए । जसमा आंशिकतर्फ १ जनाको परीक्षा रद्द गरिनुका साथै कुल ११ हजार ४९० जनाको परीक्षा स्थगित गरिएको छ ।

कक्षा ११ को प्राप्तांक नभएका र कक्षा १२ को आन्तरिक मुल्यांकनको अंक प्राप्त नभएका परीक्षार्थीहरुको सम्बन्धित विषयको परीक्षाफल स्थगित गरिएको बोर्डले जनाएको छ । परीक्षा स्थगित भएका परीक्षार्थीको विवरण बोर्डको बेबसाइटमा हेर्न सकिनेछ । यस्तै परीक्षा बोर्डको वेबसाइट www.neb.gov.np   लगायत एसएमएस सर्भिस र https://neb.ntc.net.np/ आईभीर सर्भिसलगायतबाट हेर्न सकिन्छ ।

नतिजा हेर्न माथि दिईएका मध्ये कुनै एक लिङ्कमा क्लिक गरी मागेको जानकारी भरेर सबमिट गर्नुहोस् ।

प्रतिक्रिया दिनुहोस्

सम्बन्धित समाचार