भागरथीको न्यायको माग गर्दै अखिल क्रान्तिकारी कैलालीद्वारा लम्किमा विरोध प्रदर्शन

भागरथीको न्यायको माग गर्दै अखिल क्रान्तिकारी कैलालीद्वारा लम्किमा विरोध प्रदर्शन

भागरथीको न्यायको माग गर्दै अखिल क्रान्तिकारी कैलालीद्वारा लम्किमा विरोध प्रदर्शन
कैलाली: अखिल (क्रान्तिकारी) कैलालीले  बैतडी जिल्ला, दोगडाकेदार–७ की १७ वर्षीया छात्रा भागरथी भट्टको बलात्कारी  हत्यारालाई कारबाहीको माग गर्दै विरोध प्रदर्शन गरेको छ ।
अखिल (क्रान्तिकारी) कैलालीले लम्किमा कालो ब्यानर, पर्चा, पम्पे लेट सहित प्रदर्शन गरेको छ । उक्त विरोध प्रदर्शन कार्यक्रममा अखिल (क्रान्तिकारी )का केन्द्रीय सदस्य बबरजङ सिंह, लगायत जिल्ला तहका विद्यार्थी नेता कार्यकर्ताहरूको उल्लेख्य सहभागिता रहेको थियो ।
विरोध  र्‍याली जनजागृति मा.बि. को गेट बाट सुरु गरेको थियो । र्यालिमा बलात्कारी हत्यारालाई  कारबाही गर, सामाजिक सुरक्षाको ग्यारेन्टी गर, महिला हिंसा बन्द गर, अखिल ( क्रान्तिकारी ) के भन्छ ? बलात्कारी हत्यारालाई कारबाही गर भन्छ, हत्या हिंसा बलात्कार – केपी ओलीको चमत्कार जस्ता नारा लगाइएको थियो र्‍याली पछि उक्त विरोध प्रदर्शन कोणसभामा परिणत भएको थियो ।
कोणसभा लाई सम्बोधन गर्दै संगठनका केन्द्रीय सदस्य क. बबरजङ सिंह ले भागरथी भट्ट ले न्याय नपाउजेल सम्म संघर्ष गरिरहने भन्दै सामाजिक न्याय को लडाइँमा सबैलाई होमिन अपिल गर्नुभएको थियो ।
यो सरकार र यो व्यवस्थाले  बलात्कारी  हत्यारा को संरक्षण गरेकै कारण आज निर्मला पन्त ले न्याय नपाएको र समाजमा यस्ता जघन्य अपराध बढिरहेकाले अब युवा विद्यार्थीले यो व्यवस्था नै परिवर्तनको लागि संघर्ष गर्दै अगाडि बढ्नुपर्ने कुरामा जोड दिनुभएको छ ।

प्रतिक्रिया दिनुहोस्

सम्बन्धित समाचार