तेक्वान्दो धनगढी नगर कार्य समितिद्वारा बिरामीहरूलाई फलफूल तथा स्वास्थ्य सामाग्री वितरण

तेक्वान्दो धनगढी नगर कार्य समितिद्वारा बिरामीहरूलाई फलफूल तथा स्वास्थ्य सामाग्री वितरण

तेक्वान्दो धनगढी नगर कार्य समितिद्वारा बिरामीहरुलाई फलफुल तथा स्वास्थ्य सामाग्री वितरण

तेक्वान्दो धनगढी नगर कार्य समितिले सेती प्रादेशिक अस्पतालका बिरामीहरुलाई फलफुल वितरण गरेको छ । कार्य समिति गठनको पहिलो कामका रुपमा समितिले अस्पतालका बिरामीहरुलाई फलफुल, मास्क तथा सेनिटाइजर वितरण गरेको हो । खेलाडीहरु खेलमा मात्रै नभएर सामाजिक कार्यमापनि सक्रिय हुन भनेर आफुले पहिलो काम समाजसेवाबाट सुरु गरेको तेक्वान्दो धनगढी नगर कार्य समितिका अध्यक्ष निराजन खड्काले बताए ।

अस्पतालका १ सय जना बिरामीहरुलाई फलफुल, मास्क तथा सेनिटाइजर वितरण गरेको उनले बताए । कार्यक्रममा धनगढी उप महानगरपालिकाका प्रवक्ता शन्तोस मुडभरी, नेपाल उधोग बाणिज्य महासंघका केन्द्रिय सदस्य तथा कैलाली उधोग बाणिज्य संघका अध्यक्ष पुस्पराज कुँवर लगायतको सहभागिता थियो । कार्यक्रममा बोल्दै अध्यक्ष कुँवरले सामाजिक काम बाट आफे्ना कार्यक्रम शुरु गरेकोमा तेक्वान्दो संघलाई धन्यबाद दिए ।

खेलाडी देशका गहना हुन र खेलाडीहरुबाटै सामाजिक कामपनि शुरु हुन्छन भन्ने कुरा देखाएको भन्दै उनले खुशी ब्यक्त गरे । आगामी दिनमा गरिने सामाजिक कार्यमा आफ्नो प्रत्यक्ष सहभागिता रहने उनले प्रतिबद्धता जानाए । यस्तै धनगढी उपमहानगरपालिकाका प्रवक्ता शन्तोस मुडभरीले सामाजिक कार्य गरेको भन्दै संघलाई धन्यबाद दिए । यसरी केही न केही सामाजिक कार्यसंग मानिसले जोडिनु अनिवार्य रहेको उनले बताए ।

प्रतिक्रिया दिनुहोस्

सम्बन्धित समाचार