कञ्चनपुर: अख्तियार दुरुपयोग अनुसन्धान आयोगको टोलीले कञ्चनपुरस्थित मालपोत कार्यालय महेन्द्रनगरमा कार्यरत मालपोत अधिकृत लोकराज जोशीलाई घुस रकमसहित पक्राउ गरेको छ ।
सेवाग्राहीबाट घुस रकम लिइरहेको सूचनाको आधारमा आयोगको टोलीले मालपोत अधिकृत जोशीलाई २४ हजार नगद घुस रकमसहित आज दिउँसो पक्राउ गरेको हो ।
पक्राउ परेका मालपोत अधिकृत जोशीमाथि थप अनुसन्धान अगाडि बढाइएको अख्तियार दुरुपयोग अनुसन्धान आयोग कञ्चनपुरका सूचना अधिकारी हरिश्चन्द्र जोशीले जानकारी दिनुभएको छ ।
