धनगढी: कैलालीमा लकडाउनको तेस्रो दिन पनि निषेधाज्ञा उल्लंघन गर्ने सवारी साधनलाई कारबाही गरिएको छ । जिल्लाका विभिन्न ठाउँमा शनिवार बिहान १० बजेसम्म निषेधाज्ञा उल्लंघन गर्ने ५७८ सवारी साधनलाई होल्ड गरिएको हो ।
जिल्ला जिल्ला ट्राफिक प्रहरी कार्यालय कैलालीका प्रमुख तथा प्रहरी निरीक्षक वीरेन्द्र बहादुर बोहराका अनुसार ठुला साना सवारी साधन गरी ५७८ लाई होल्ड गरी सम्झाई बुझाई छोडिएको छ ।
निषेधाज्ञालाई प्रभावकारी कार्यान्वयन गर्न दैनिक जसो जिल्ला प्रहरी कार्यालय कैलालीबाट खटेको प्रहरी र ट्राफिक प्रहरीको संयुक्त गस्ती टोलीले जिल्लाभर निगरानी बढाएको छ ।
