विकसित पछिल्लो राजनीतिक घटनाक्रमको समीक्षा र पार्टीको भावी रणनीति बनाउन प्रमुख प्रतिपक्षी दल नेकपा एमाले केन्द्रीय कमिटीको बैठक ललितपुरमा शुरू भएको छ ।
ललितपुरको च्यासलस्थित तुल्सीलाल स्मृति प्रतिष्ठानको कार्यालयमा बैठक शुरू भएको हो । बैठकले प्रधानमन्त्री सभापति शेरबहादुर देउवालाई विश्वासको मत दिने सांसदमाथि कारबाही गर्ने सम्भावना छ ।
आइतवार बसेको स्थायी कमिटी बैठकले देउवालाई विश्वासको मत दिनेहरु पार्टीमा रहन नसक्ने निर्णय गरेको थियो । प्रतिनिधि सभामा आइतवार एमालेका २२ जना सांसदले देउवालाई विश्वासको मत दिएका थिए ।
अध्यक्ष केपी शर्मा ओलीको अध्यक्षतामा शुरू बैठकमा माधव नेपाल पक्षका नेताहरू भने उपस्थित छैनन् । सर्वोच्चको आदेशले प्रतिपक्षमा पुगेपछि एमाले केन्द्रीय कमिटीको बैठक बसेको हो ।
