SKIP THIS

Axis Vidyashram plus 2 in Law, Science & Management

‘तेस्रो धार’ का नेताहरू सहतिको सहभागीतामा आज एमाले स्थायी कमिटी बैठक बस्दै

नेकपा एमाले स्थायी कमिटीको बैठक आज

च्यासलमा एमाले केन्द्रीय कमिटी बैठक
फाइल तस्बिर

काठमाडौं: नेकपा एमाले स्थायी कमिटीको बैठक आज (मंगलबार) बस्दै छ । ललितपुरको च्यासल स्थित तुलसीलाल स्मृती प्रतिष्ठानमा आज ११ बजे स्थायी कमिटीको बैठक बोलाइएको केन्द्रीय कार्यालयका सचिव शेरबहादुर तामाङले जानकारी दिनुभयो ।

बैठकमा ‘तेस्रो धार’ मा रहेका नेताहरू पनि सहभागी छन् । एमाले अध्यक्ष केपी शर्मा ओली र तेस्रो धारबीच १० बुँदे सहमति कार्यान्वयन गर्ने सैद्धान्तिक सहमति भएपछि उनीहरु बैठकमा सहभागी हुने भएका हुन् । सोमबार अध्यक्ष ओलीको निवास बालकोटमा तेस्रो धारका नेताहरूसितको छलफलपछि आजको लागि बैठक बोलाइएको हो ।

लामो समय माधवकुमार नेपाल समूहसँग रहेका, तर उनको नेतृत्वको नेकपा एकीकृत समाजवादी पार्टीमा नगएका उपाध्यक्षत्रय युवराज ज्ञवाली, अष्टलक्ष्मी शाक्य, भीम रावल, उपमहासचिव घनश्याम भुसाल, सचिवत्रल गोकर्ण विष्ट, भीम आचार्य, योगेश भट्टराई, स्थायी कमिटीका सदस्यहरु सुरेन्द्र पाण्डे, रघुजी पन्त लगायतका नेताहरु पनि बैठकमा सहभागी हुने छन् ।

नेता माधवकुमार नेपालले नयाँ पार्टी दर्ताको लागि निर्वाचन आयोगमा निवदेन दिएपछि केही नेता ओली र नेपाल दुवैतिर खुलेका छैनन् । उनीहरूले पार्टी एक ढिक्का हुनुपर्नेमा जोड दिँदै आएका छन् । पार्टी एकताका लागि ओली लचक हुनुपर्ने र नेपालले पनि नयाँ दल खोल्न नहुनेमा उनीहरूको जोड छ ।

यो समाचार पढेर तपाइलाई कस्तो लग्यो ? प्रतिक्रिया दिनुहोस्

सम्बन्धित समाचार