काठमाडौं: सागकी स्वर्णधारी खेलाडी गौरिका सिंहलाई कोरोना संक्रमण भएकाे छ । नेपालकी पौडीबाज गौरिकाले सामाजिक सञ्जालबाट आफूलाई कोरोना संक्रमण भएको बताएकी हुन् ।
कोरोना देखिएसँगै गौरिका १० दिनको आइसोलेसन बसेकी छन् । उनका अनुसार दुवै डाेज लगाएपनि काेराेना देखिएकाे हाे ।
“मैले दुवै डाेज खाेप लिएकी थिएँ र कुनै लक्षण थिएन । तर, पनि मलाई हालै काेराेना संक्रमण भएकाे पुष्टि भएकाे छ । म अहिले सरकारी मापदण्ड अनुसार १० दिनका लागि आइसाेलेसनमा छु,” उनले भनेकी छन् ।
गत महिना जापानमा सम्पन्न टोकियो ओलम्पिकमा गौरिकाले नेपालबाट प्रतिस्पर्धा गरेकी थिइन् ।
