दार्चुलाः दार्चुलामा बाढी र पहिरोका कारण मृत्यु हुनेको संख्या तीन पुगेको छ । दार्चुलामा बाढी र पहिरोका कारण मृत्यु हुनेको संख्या तीन पुगेको छ।आइतबार राति आएको बाढी पहिरोमा परि दुहुँ गाउँपालिका र महाकाली नगरपालिकाका विभिन्न क्षेत्रमा भौतिक तथा मानवीय क्षति गरेको हो ।
पहिरोले घर पुरिदा दुहु गाउँपालिका–१ बासपालिकामा नरसिंह महर र उनकी श्रीमति कौशा महरको मृत्यु भएको जिल्ला प्रहरी कार्यालय दार्चुलाका प्रहरी प्रमुख मनोहर प्रसाद भट्टले जानकारी दिए । यस्तै दुहु गाउँपालिकाको वडा नम्बर ५ दुल्लामा बाढीले मनुवा डडालको पनि मृत्यु भएको छ। कालागाड खोलामा बेलुकी १० बजेदेखि आएको बाढीले डडाललाई घरैसहित बगाएको हो ।
यो क्षेत्रमा पाँचवटा पसल, दुईवटा लघु जलविद्युत् आयोजना, चारवटा झोलुंगे पुल र एउटा पक्की पुल बगाएको प्रमुख जिल्ला अधिकारी सिद्धराज जोशीले बताए । वडा नम्बर ३ निजाङगाडमा बाढीले दुई जना बेपत्ता छन् । उद्धार कार्य जारी रहेको जिल्ला प्रशासन कार्यालयले जनाएको छ ।
