बैतडी : राष्ट्रसेवक कर्मचारी वृक्षारोपण अभियान अन्तर्गत बुधवार बैतडीको दशरथचन्द नगरपालिका वडा न. ४ स्थित साहिलेकमा वृक्षारोपण गरिएको छ ।
बिहानै जिल्ला प्रहरी कार्यालयका २५ जना प्रहरीको टोलीले वृक्षारोपण गरेको हो । साहिलेकमा रहेको सशस्त्र प्रहरी सेनामूखको जमिनमा वृक्षारोपण गरिएको जिल्ला प्रहरी कार्यालय बैतडीले जनाएको छ ।
प्रहरी निरीक्षक दर्शन खडकाको नेतृत्वमा खटिएको टोलीले विभिन्न जातका १ सय ४० बोटबिरुवाहरू रोपेको जिल्ला प्रहरी कार्यालय बैतडीले जनाएको छ ।
बुधवार रोपिएका बोट बिरुवामा लप्सी, अम्बा, कागती, ओखर लगायतमा फलफूलका बिरुवा रहेका छन् ।बुधवार रोपण गरिएका बिरुवा जिल्ला बान कार्यालयको समन्वयमा ल्याएर रोपिएको जिल्ला प्रहरी कार्यालय ले जनाएको छ ।
बुधवार रोपण गरिएका बिरुवाहरूको प्रहरीले नै बेला–बेलामा संरक्षण गर्नुका साथै नयाँ ठाउँमा समेत बोट बिरुवा रोप्ने बताइएको छ । जिल्ला प्रहरी कार्यालय बैतडीले विगतदेखि नै जिल्लाका विभिन्न कार्यक्रमहरू गर्दै आएको छ ।
प्रहरीले गाँजा नष्ट अभियान, लागु औषध दुर्व्यसनी न्यूनीकरण अभियान, मास्क वितरण अभियान लगायतका विभिन्न अभियान सञ्चालन गर्दै आएको छ ।
