धनगढी : कैलालीको धनगढीमा दुई दिने उद्यमशिलता तथा वित्तिय साक्षरता तालिम सुरु भएको छ ।
प्रदेश युवा परिषद् सुदूरपश्चिमको आयोजनामा धनगढीमा दुई दिने उद्यमशिलता तथा वित्तिय साक्षरता तालिम सुरु भएको हो । तालिम आज र भोली चौलानी डिपार्टमेन्ट पछाडीको निको हलमा सञ्चालन हुनेछ ।
उद्यम व्यवसाय गर्दै आएका युवाहरुले दिगो आर्जन र दिगो व्यवसाय कसरी गर्न सक्छन भन्ने उद्धेश्यका साथ दुई दिने उद्यमशिलता तथा वित्तिय साक्षरता तालिमको आयोजना गरिएको प्रदेश युवा परिषद् सुदूरपश्चिमका कार्यकारी उपाध्यक्ष युवराज कुँवरले जानकारी दिए ।
आजबाट सुरु भएको तालिममा सुदूरपश्चिम प्रदेशका ९ वटै जिल्लाका युवा व्यवसायी र विद्यार्थीहरुको सहभागिता रहेको छ । तालिम भोलीसम्म सञ्चालन हुनेछ ।
