धनगढी : भोली फागुन २ गतेदेखि १४ गतेसम्म धनगढीमा आयोजना हुने धनगढी मेयर लिटल फ्लावर प्रिमियर लिग–६ को आइतबार ट्रफि सार्वजनिक गरिएको छ ।
विद्यालय स्तरीय यु– १९ राष्ट्रिय क्रिकेट प्रतियोगिता खेल संचालन हुने धनगढीको संघिय प्रहरी इकाई कार्यालयको खेलमैदानमा आज धनगढी उप-महानगरपालिकाका प्रमुख नृप वडले ट्रफि सार्वजनिक गरेका हुन् ।
मेयर वडले ट्रफि सार्वजनिक गर्दै यस प्रतियोगिताले धनगढीलाई क्रिकेटको सहर बनाउन मद्धत पुग्ने विश्वास व्यक्त गरे । छैटौँ संस्करणको मुख्य प्रायोजक धनगढी उपमहानगरपालिका रहेको छ ।
प्रतियोगितामा काठमाडौं, कैलाली र कञ्चनपुरका गरी १० वटा बिद्यालयको सहभागी रहने प्रतियोगिताको सवै तयारी पुरा भएको आयोजक लिटल फ्लावर स्पोर्टस् एण्ड इभेन्ट्सका अध्यक्ष रामचन्द्र शाहीले जानकारी दिए ।
प्रतियोगिताको विजेतालाई १ लाख ५० हजार र उपविजेतालाई ७५ हजार नगदसहित ट्रफी, मेडल र प्रमाणपत्र प्रदान गरिने लिटल फ्लावर स्पोर्ट्स एण्ड इभेन्ट्सका अध्यक्ष रामचन्द्र शाहीले बताए ।
प्रतियोगिता सञ्चालनको तयारी अन्तिम चरणमा चलिरहेको भन्दै उनले मैदान निर्माणको काम सम्पन्न हुने तयारीमा रहेको बताए । प्रतियोगिताको सर्वोत्कृष्ट खेलाडीलाई २० हजार, उत्कृष्ट बलर, ब्याट्सम्यान तथा उदयमान खेलाडीलाई १०÷१० हजार प्रदान गरिनले शाहीले जानकारी दिए ।
प्लेयर अफ द म्याचका साथै आसन्न संस्करणबाट प्रत्येक खेललाई थप रोमाञ्चक बनाउन गेम चेन्जर अवार्ड र सर्वोत्कृष्ट छक्का प्रहारको अवार्ड समेत थप गरिएको आयोजकले जनाएको छ ।
भोलि हुने उद्घाटन खेलमा पाँचौँ संस्करणको उप–विजेता तथा आयोजक लिटल फ्लावर बोर्डिङ हाई स्कुल धनगढी र सत्यवती एकेडेमी अत्तरिया भिड्ने छन् ।
