डोटी : डोटीको शिखर नगरपालिकामा ट्याक्टर दुर्घटनामा परी एक जनाको घटना स्थलमै ज्यान गएको छ । आज बिहान कार्की ढुवानी सेवा लेखेको ट्याक्टर दिपायल पुग्न पाँच किलोमिटर यता दुर्घटनामा परेको हो ।
बालुवा बोकेको ट्याक्टरमा दुई जना सवार रहेका थिए । जसमध्ये चालकको घटना स्थलमै मृत्यु भएको छ । भने उनी सँगै ट्याक्टरमा सवार एक जना घाइते भएको प्रत्यक्ष दर्शीले बताएका छन् ।
घटना स्थलमा नेपाली, सेना, नेपाल प्रहरी, ट्राफिक प्रहरी र म्यादी प्रहरी सहित स्थानीयहरूको उपस्थिति रहेको छ । भने घाइतेको उद्धार कार्य र घटना बारे थप अनुसन्धान भइरहेको जनाइएको छ । घटना बारे विस्तृत विवरण आउन बाँकी रहेको छ ।
