कैलाली : कैलालीको धनगढी उपमहानगरपालिकाले आफ्नो नगर सभा बैठकमा समाचार संकलन गर्न पुगेका पत्रकारलाई ज्यादती पूर्ण ढङ्गबाट निकालेको छ ।
आठौँ नगर सभाको चौथो बैठकमा समाचार संकलन गर्न पुगेका अनलाइन खबरका पत्रकार जनक बिस्टलाई बाहिर उपमहानगरपालिकाका कर्मचारीले पाखुरा समातेर बाहिर निकालेका हुन् ।
‘नगर सभा बैठकमा समाचार संकलन गर्न पुगेको थिए , एक कर्मचारीले पाखुरा समातेर बाहिर लिएर आउनु भयो र यहाँ आज पत्रकारलाई निषेध छ भन्नुभयो ’विष्टले बाट पत्रकारलाई निकालिएको भन्दै विभिन्न संघ संस्थाहरूले भर्त्सना गरेका छन् । पत्रकार महासंघ कैलालीले एक विज्ञप्ति जारी गर्दै घटनाको छानबिनको माग गरेको छ ।
अध्यक्ष हिमाल जोशीद्वारा हस्ताक्षरित विज्ञप्तिमा घटनाको छानबिनको माग पनि गरेको छ ।
प्रेस चौतारी सुदूरपश्चिम प्रदेश कमिटी र कैलालीले पनि पत्रकारमाथि भएको अपमानपूर्ण व्यवहारको भर्त्सना गरेको छ ।
विष्ट प्रेस चौतारी कैलालीका सचिव पनि हुन् । प्रदेश महासचिव शिवराज भट्ट र कैलाली अध्यक्ष भानुभक्त आचार्यले जारी गरेको विज्ञप्तिमा घटनाको छानबिन गरी दोषीलाई कारबाहीको माग पनि गरिएको छ ।
