धनगढी : बैतडीको पुचौंडी नगरपालिकाका १४९ उम्मेदवार कारबाहीमा परेका छन् । यही वैशाख ३० गते सम्पन्न स्थानीय तहको निर्वाचनमा गरेको खर्च विवरण समयमै नबुझाएका कारण उनीहरूलाई निर्वाचन आयोगले जरिवाना गरेको हो ।
चुनावको परिणाम सार्वजनिक भएको ३० दिनभित्र खर्च विवरण बुझाउनुपर्ने कानुनी व्यवस्था छ। जरिवाना तिर्नु पर्नेमा ढिला गरी खर्च विवरण बुझाएको र अहिलेसम्म पनि नबुझाएका दुई प्रमुख र उप-प्रमुखका उम्मेदवर रहेका छन्। भने बाँकी वडा अध्यक्ष र वडा सदस्य पदका उम्मेदवार रहेका छन् ।
खर्च विवरण नबुझाएकाहरू मध्ये प्रमुख र उप-प्रमुखका पदका उम्मेदवारलाई ४ लाख ५० हजार र वडा अध्यक्ष, महिला सदस्य, दलित महिला सदस्य र सदस्य पदमा चुनाव लडेकाहरूलाई दुई लाख जरिबाना तोकेको छ।
ती मध्येबाट ३८ जना निर्वाचित उम्मेदवार समेत परेका छन् । निर्वाचित/विजयी भएकाहरूले ६ महिनाभित्र जरिवाना नतिरे उनीहरूको पद जाने कानुनी व्यवस्था छ। भने पराजित भएकाहरूको हकमा जरिवाना नतिरे उम्मेदवार बन्न नपाउने व्यवस्था रहेको छ ।
निर्वाचन आयोग निर्वाचन आयोग ऐन दफा २६ को उपदफा १ अनुसार उनीहरूसहित १ लाख २३ हजार ६ सय २४ उम्मेदवारलाई कारबाही गर्ने निर्णय आयोगको छ।
चुनाव लडेर खर्च विवरण नबुझाउँदा कारबाहीमा परेका उम्मेदवार निम्न रहेका छन् ।
प्रशासनिक दण्ड जरिमाना सम्बन्धमाकसलाई कति जरिवाना ?
