खेलाडीलाई प्रोत्साहित गर्दै कैलाली उद्योग वाणिज्य संघ, पदक विजेता खेलाडीहरूलाई गर्‍यो सम्मान

खेलाडीलाई प्रोत्साहित गर्दै कैलाली उद्योग वाणिज्य संघ, नवौँ राष्ट्रिय खेलकुदमा पदक विजेताहरूलाई गर्‍यो सम्मान

धनगढी : पोखरामा सम्पन्न नवौँ राष्ट्रिय खेलकुद प्रतियोगिताका पदक विजेता कैलालीका प्रशिक्षक तथा खेलाडीहरूलाई कैलाली उद्योग वाणिज्य संघले सम्मान गरेको छ । संघले बुधबार एक कार्यक्रमको आयोजना गर्दै पदक जित्ने खेलाडी तथा प्रशिक्षकलाई दोसल्ला तथा प्रमाणपत्रद्वारा सम्मान गरेको हो ।

प्रतियोगितामा १० गोल्ड, १० रजत र ४३ कांस्य गरी कुल ६३ पदक जित्न सफल सुदूरपश्चिम प्रदेश प्रतियोगितामा ७ औँ स्थान ओगट्न सफल भएको थियो ।

नवौँ राष्ट्रिय प्रतियोगितामा कैलालीबाट प्रतिनिधित्व गर्ने खेलाडीले प्रतियोगितामा कराँते र फेन्सिङमा गोल्ड मेडल जित्न सफल भएका थिए । त्यस्तै उसुमा ३ रजत, बक्सिङ १ रजत, रग्बी, खोखो, ब्याडमिन्टन १/१ रजत मेडल प्राप्त गरेका थिए ।

सो अवसरमा बोल्दै उद्योग वाणिज्य संघका अध्यक्ष पुष्पराज कुँवरले खेलकुद क्षेत्र निकै महत्त्वपूर्ण क्षेत्र भएकाले निजी क्षेत्रले सहयोग गर्दै आएको बताए । खेलकुद क्षेत्रमा राज्यले लगानी गर्न नसक्दा निजी क्षेत्रले राज्यको भूमिका निर्वाह गर्दै आएको उनको भनाइ छ । आगामी दिनमा खेलकुद क्षेत्रसँग समन्वय सहकार्य गरेर अगाडि बढ्ने उनले बताए ।

कार्यक्रमको स्वागत मन्तव्य संघका वरिष्ठ उपाध्यक्ष पुष्करराज ओझाले गरेको कार्यक्रमको सञ्चालन संघका सदस्य प्रकाश चन्दले गरेका थिए । नवौँ राष्ट्रिय प्रतियोगितामा समावेश खेल मध्ये ३६ खेलमा सुदूरपश्चिम प्रदेशबाट ७२२ जना खेलाडीको सहभागिता रहेको थियो ।

यो समाचार पढेर तपाइलाई कस्तो लग्यो ? प्रतिक्रिया दिनुहोस्

0%

खुसी

0%

दुःखी

0%

अचम्मित

100%

उत्साहित

0%

आक्रोशित

सम्बन्धित समाचार