धनगढी उप-महानगरपालिकाको वडा नं. १ स्थित सेती प्रादेशिक अस्पताल परिसर अगाडीबाट सडक चौडा पार्ने अभियानको थालनी गरिएको छ । बुधवार धनगढी उप-महानगरपालिकाका मेयर गोपाल हमाल स्वयम डोजर लगेर सडक आसपासका संरचनाहरू भत्काउन थालेका हुन् ।
यस अघि उप-महानगरले दुई पटक सूचना जारी गर्दै सडकको दायाँबायाँ १५/१५ मिटर क्षेत्राधिकारभित्र पर्ने भौतिक संरचना असोज मसान्तसम्म हटाइसक्न आग्रह गरेको थियो ।
छठ पर्वपछि सडक फराकिलो बनाउने निर्णय कार्यान्वयनमा ल्याउने गरी आवश्यक प्रक्रिया अघि बढाइसकेको बताएको उपमहानगरले बुधवार बाट निर्णय कार्यान्वयनमा ल्याएको हो ।
