धनगढी । बैतडीमा प्रतिनिधि र प्रदेश सभामा नेकपा एमालेको अग्रता कायम रहेको छ । जिल्लामा प्रतिनिधिसभातर्फ नेकपा एमालेका दामोदर भण्डारी अग्रस्थानमा रहेका हुन् ।
१ हजार ६ सय ५४ मत गणना हुँदा भण्डारीले ८ सय ८८ मत पाएका छन् । भने नेकपा माओवादी केन्द्रका नरेन्द्रबहादुर कुँवर ५ सय ६५ मतसहित पछ्याइरहेका छन्।
यस्तै, प्रदेशसभामा पनि एमाले उम्मेदवारकै अग्रता छ। प्रदेशसभा (१) मा १ हजार ९ सय ७९ मतगणना हुँदा एमालेका सुरेन्द्र पालले ६ सय ५३ मत पाएका छन् । भने स्वतन्त्र उम्मेदवार हरि मोहन भण्डारीले ६ सय २३ मत पाएका छन्।
त्यस्तै, प्रदेशसभा (२) मा एमालेका लिलाधर भट्टले ६ सय ९ मत पाउँदा काँग्रेसका शिवराज भट्टले ३ सय ९९ मत प्राप्त गरेका छन् ।
यहाँ नेपाली काँग्रेसले माओवादीलाई साथ दिएको थियो ।
