चितवनको क्षेत्र नम्बर २ मा राष्ट्रिय स्वतन्त्र पार्टीका उम्मेदवार रवि लामिछानेले अग्रता बढाउँदै लैजानुभएको छ ।
रवि लामिछानेले ७ हजार ५ सय २१ मतसहित अग्रता बनाउनुभएको छ । एमालेका कृष्णभक्त पोखरेलको ४ हजार ९ सय ९९ र नेपाली कांग्रेसका उमेश श्रेष्ठको ४ हजार ६ सय ९४ मत आएको छ ।
यस्तै चितवन ३ मा भने राष्ट्रिय प्रजातन्त्र पार्टीका विक्रम पाण्डेले अग्रता बनाउनुभएको छ । पाण्डेले ७ हजार ४ सय ६१ मत ल्याउनुभएको छ ।
राष्ट्रिय स्वतन्त्र पार्टीकी जिता बरालले ५ हजार ८ सय ६ र माओवादी केन्द्रको तर्फबाट डाक्टर भोजराज अधिकारीले ५ हजार ३ सय १० मत ल्याउनुभएको छ । एमालेको समेत समर्थन पाएका स्वतन्त्र उम्मेदवार ३ हजार ९ सय ९ मत ल्याउनुभएको छ ।
