कैलाली क्षेत्र नम्बर ४ मा प्रतिनिधि सभा तर्फ ४६ हजार ३१७ मत गणना सकिएको छ ।
कैलाली क्षेत्र नम्बर ४ को निर्वाचन कार्यालयले दिएको विवरण अनुसार पछिल्लो मत परिणाम अनुसार गठबन्धका तर्फबाट प्रतिनिधि सभाका उम्मेदवार बनेका नेपाली कांग्रेसका वीर बहादुर बलायरले १९ हजार १७२ मतका साथ लिड गरिरहेका छन ।
उनका प्रतिस्पर्धी एमाले उम्मेदवार लेखराज भट्टले १६ हजार ९०२ मत पाएका छन । दुवै बीचको मतान्तर २ हजार २७० रहको छ ।
प्रतिनिधि सभा तर्फ मोहन्याल ५, चुरे १, २, ३, ४, ५, ६, गोदावरी नगरपालिका १,२, ३,४,५, ७, ८, ९, गौरीगंगा १, २, ३, ४, ५, ६ र ७ को मतगणना गर्दा बलायरले १७ हजार ३ सय ३० मत पाएका छन । भट्टले १५ हजार ५ सय ३८ मत पाएका छन ।
