सुदूरपश्चिम महोत्सवको अवधि ३ दिन थप गरिएको छ । मंसिर २२ गते देखी पुष २ गते सम्म सञ्चालन भैरहेको सुदुरपश्चिम महोत्सवको अवधी ३ दिन थप भएको छ।
धनगढी १ पशुपती टोलमा सञ्चालन भैरहेको सुदुरपश्चिम महोत्सवमा दर्शकहरुको सहभागिता बढेको र माग अनुसार महोत्सवको अवधी ३ दिन थप भएको आयोजकले जनाएको छ। अब महोत्सब पुष ५ गते सम्म सञ्चालन हुने जनाइएको छ।
महोत्सवमा सर्वसाधारणका लागि १०० रुपैयाँ र विद्यार्थीहरुलाई ५० प्रतिशत छुटमा टिकटको व्यवस्था गरिएको छ । सुदूरपश्चिम प्रदेशको कृषि, उद्योग, पर्यटन, कलासंस्कृति र व्यापार व्यवसायको प्रवर्द्धन गर्ने उद्देश्यले २०६३ सालदेखि हरेक वर्ष सुदूरपश्चिम महोत्सवको आयोजना गरिँदै आएको छ।
