सुदूरपश्चिममा क्रान्तिकारी कम्युनिस्ट पार्टीको नयाँ नेतृत्व चयन

धनगढी : सुदूरपश्चिम प्रदेशमा मोहन वैद्य किरण नेतृत्वको क्रान्तिकारी कम्युनिस्ट पार्टी, नेपालले प्रदेश सङ्गठन समितिको नयाँ नेतृत्व चयन गरेको छ । कैलालीको धनगढीमा दुई दिन सम्म सञ्चालन भएको प्रदेश स्तरीय एकता अधिवेशन, प्रशिक्षण तथा बैठकले नयाँ नेतृत्व चयन गरेको हो ।

केन्द्रीय सचिवालय सदस्य महानको संयोजकत्वमा ९९ सदस्सीय प्रदेश सङ्गठन समिति गठन गरेको केन्द्रीय सदस्य तथा कैलाली संयोजक प्रकाश रावलले जानकारी दिए । उनका अनुसार प्रदेश सङ्गठन समितिको सह ( संयोजकमा केन्द्रीय सचिवालय सदस्य द्वय राम बहादुर केसी (डायमन्ड) र इन्चार्ज गुणराज लोहनी रहेका छन् ।

पार्टीको उक्त अधिवेशनले ५ सदस्सीय प्रदेश कार्यालय, केन्द्रीय महाधिवेशन आयोजक समितिका २७ जना सदस्य सम्मिलित प्रदेश सचिवालय समेत गठन गरेको पनि उनले बताए ।

त्यस्तै प्रदेश अन्तरगतका जिल्लाहरूका इन्चार्ज, संयोजक र सहसंयोजक,जन वर्गीय सङ्गठन र विभागहरूको बैठक बाट टुङ्गो लगाइएको क्रान्तिकारी कम्युनिस्ट पार्टी प्रदेश सङ्गठन समितिले जनाएको छ ।

तत्कालीन नेकपा (क्रान्तिकारी माओवादी) र नेकपा (बहुमत) बिचको एकतालाई प्रदेश स्तरमा एकता अधिवेशन मार्फत पूर्णता दिइएको सो पार्टीले जनाएको छ ।

कार्यक्रममा पार्टीका कार्यालय सदस्य तथा पार्टी प्रवक्ता कञ्चन, कार्यालय सदस्य राजवीर लगायतले प्रशिक्षण तथा निर्देशनात्मक भनाई राखेका थिए ।