बाजुराः प्रधानमन्त्री केपी शर्मा ओलीले आज गरेको प्रतिनिधिसभा विघटनको सिफारिसबारे बाजुराको बूढीनन्दा नगरपालिकाकी उपप्रमुख सृष्टि रेग्मीले आफ्नो धारण राखेकी छन् ।
स्थानीय सरकारका प्रमुख, उपप्रमुख, अन्य जनप्रतिनिधिहरू विभाजित भइरहेका बेला बाजुराको बूढीनन्दा नगरपालिकाकी उपप्रमुख सृष्टि रेग्मीले प्रधानमन्त्री ओलीले प्रतिनिधिसभा विघटनका लागि राष्ट्रपति समक्ष गरेको सिफारिसको समर्थन गरेकी छन् ।
उनले सामाजिक संजाल फेसबुकमा राष्ट्रपति कार्यालयबाट जारी विज्ञप्तिको तसबीरसँगै स्टाटसमा लेखेकी छन्, ‘ताजा जनादेशमा जानु जनताको हितविपरीत र अलोकतान्त्रिक कसरी हुन सक्छ? जनतामा गएर प्रशस्त मत ल्याएर चुनाव जित्ने ढोका खुलेको छ । ताजा जनादेशमा जानुपर्ने बाध्यताका सृजनाकारहरुलाई हार्दिक शुभकामना छ ।’
