धनगढी: धनगढीको मोहनापुल अत्तरिया ६ लेन सडक खण्ड अन्तरगत राजपुर क्षेत्रमा बस दुर्घटना भएको छ।
गए राति धनगढीबाट अत्तरिया तर्फ गइरहेको शिवपुरी यातायातको ना ७ ख ५६९३ नम्बरको बस मोहनापुल अत्तरिया ६ लेन सडकको राजपुर क्षेत्रमा दुर्घटना भएको जिल्ला प्रहरी कार्यालय कैलालीले जनाएको छ ।
जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक विष्टका अनुसार दुर्घटनामा बसमा केही क्षति भए पनि मानवीय क्षति भने नभएको उहाँले बताउनु भयो ।
