धनगढी: अक्सिजन ग्यासको सिलिण्डर बोकेको ट्रक कैलालीमा दुर्घटना भएको छ । जिल्लाको घोडाघोडी नगरपालिकाको डोकेबबजार क्षेत्रमा बिहिबार बिहान म १ प ३०४ नम्बरको ट्रक दुर्घटनामा परेको हो ।
ट्रक दुर्घटना हुदाँ चारजना घाईते भएको प्रहरीले जनाएको छ । नेपालजञ्जबाट महेन्द्रनगर जाँदै गरेको ट्रक दुर्घटनामा परेको ईलाका प्रहरी कार्यालय सुखडका प्रहरी प्रमुख तथा प्रहरी नायब उपरीक्षक सागर बोहराले बताए ।
उनका अनुसार बर्दियाका २८ बर्षिय कर्ण बहादुर थापाले चलाएको ट्रकको पछाडीको टायर पड्किदा आफै अनियन्त्रित हुन गएको हो । सो ट्रकमा नेपालजञ्जबाट महेन्द्रनगरको महाकाली अस्पतालको लागि अक्सिजन ग्यासको सिलिण्डर लिएर आउदै गर्दा ट्रक दुर्घटनामा परेको हो ।
