धनगढी: सुदूरपश्चिम प्रदेश सभा नेपाली काँग्रेस संसदीय दलका नेता डा. रणबहादुर रावललाई पितृ शोक परेको छ ।
रावलका बुबा शेरबहादुर रावलको १०१ वर्षको उमेरमा शुक्रवार करिब पौने ५ बजेतिर निधन भएको हो । विक्रम संवत् १९७७ साल माघमा अछामको पुल्लेतोलामा जन्मिनु भएका स्वर्गीय रावल साबिक बराला पुल्लेतोला पञ्चायतको पटक पटक प्रधानपञ्च हुनुभएको थियो । उहाकाे दाहसंस्कार टिकापुरको सन कट्टी घाटमा शनिवार हुने बताइएको छ ।
नेपाली काँग्रेस क्षेत्र नं १ कैलालीले समाजसेवी रावलको निधनमा शोक वक्तव्य जारी गरी आत्मा शान्तिको कामनाका साथै परिवारजनमा समवेदना प्रकट गरेको छ |
