काठमाडौं: प्रधानमन्त्री शेरबहादुर देउवाले आइतवार (आज) विश्वासको मत लिने भएका छन् । प्रतिनिधि सभा पुनर्स्थापनापछि गठन भएको नयाँ सरकारले आज विश्वासको मत लिन लागेका हुन् ।
गत असार २९ गते प्रधानमन्त्रीमा नियुक्त भएका प्रधानमन्त्री देउवा नेतृत्वको मन्त्रिमण्डलले बुधवार बसेको मन्त्रिपरिषद् बैठकले आजको लागि प्रतिनिधि सभाको बैठक आह्वानका लागि सिफारिस गरेको थियो ।
त्यस्तै राष्ट्रपति विद्यादेवी भण्डारीले आह्वान गरे अनुसार आज अपरान्ह ४ बजे संसदको दुवै सदनको बैठक बस्दैछ । आज दुई चरणमा बैठक बस्दैछ । पहिलो चरणमा विविध विषयमा छलफल हुने र दोस्रो चरणमा बस्ने बैठकमा सभापति देउवाले विश्वासको मत लिने संघीय संसद सचिवालयले जनाएको छ ।
“विश्वासको मत लिने प्रस्ताव कानुन मन्त्रीद्वारा सभामुख मार्फत संसद सचिवालयमा दर्ता भैसकेको । आजै बस्ने दोश्रो बैठकमा प्रधानमन्त्रीले संविधान बमोजिम विश्वासको मत लिनुहुने ।” संसद सचिवालयले भनेको छ ।
