धनगढी : अस्थायी प्रहरी पोष्ट चटकपुरले निर्माणाधिन घरको नालामा फसेको गाइको बाच्छीको उद्दार गरेको छ । धनगढी उपमहानगरपालिका–३ को चटकपुरस्थित आइतबार रातिदेखि निर्माणाधिन घरको नालामा फसेको बाच्छीको उद्दार गरेको हो ।
करीब १० फिट गहिरो नालामा फसेको नालामा घाइते अवस्थामा रहेको बाच्छीको स्थानीयको सहयोगमा अस्थायी प्रहरी पोष्टमा प्रमुख प्रहरी सहायक निरीक्षक गजेन्द्र चन्द नेतृत्वको टोलीले उद्दार गरेको जनाएको छ ।
प्रहरीले घरेलु निर्माणका सामाग्री प्रयोग गरेर बाच्छीलाई नालाबाट बाहिर निकालेको थियो । बाच्छी रातिको समयमा गहुँ चर्दाचर्दै नाला भएको ठाउँमा पुगेर त्यहाँ खसेको हुनसक्ने अनुमान गरिएको छ ।
