धनगढी : कैलालीस्थित धनगढी बजारमा यौन धन्दा सञ्चालन गर्ने होटलहरुमा प्रहरीले शनिबार पनि छापा मारेको छ ।
शनिबार विशेष सुचनाका आधारमा जिल्ला प्रहरी कार्यालय कैलालीबाट खटि गएको प्रहरी टोलीले होटलहरुमा छापा मारेको हो ।
छापा मार्दा यौन धन्दा सञ्चालन गर्ने थप दुई होटल व्यवसायी र संलग्न पाँच युवती पक्राउ परेका छन् । जिल्ला प्रहरी कार्यालय कैलालीका अनुसार धनगढी उपमहानगरपालिका वडा नम्बर ७ स्थित रहेको फुडल्याण्ड होटल, लक्ष्मी होटलमा छापा मारिएको थियो ।
उनीहरुमाथि जिल्ला प्रहरी कार्यालय कैलालीबाट आवश्यक अनुसन्धान भइरहेको प्रहरीले जनाएको छ । यसअघि गत बिहीबार पनि यौन धन्दा सञ्चालन गर्ने ४ होटल व्यवसायी र संलग्न ९ युवती पक्राउ पक्राउ परेका थिए ।
