पाँच तारे होटल एभरेष्टमा नयाँ फिल्म ‘सिड्नी’को घोषणा गरिएको छ । देवकुमार श्रेष्ठको निर्देशनमा बन्ने यो फिल्मले सिड्नी पुगेर त्यहाँको जीवन बाँचेका नेपालीहरुको कथालाई बोल्नेछ ।
अमर रसाइलीको प्रस्तुतिमा तयार हुने फिल्ममा भीमराज रसाइली निर्माताको रुपमा छन् ।
यो फिल्ममा नायक सविन श्रेष्ठ र नायिका रीमा विश्वकर्मा मुख्य भूमिकामा छन् । फिल्मका अन्य कलाकारको जानकारी केही समयपछि दिने निर्माणपक्षले बताएको छ ।
यो फिल्मको छायांकन ३ महिनापछि हुने बताइएको छ । नेपाल र अष्ट्रेलियामा फिल्म खिचिनेछ ।
