धनगढी : पत्रकार सुदर्शन श्रेष्ठलाई पितृ शोक परेको छ । रोजगारीका लागि भारतको पन्जाब रहेका श्रेष्ठका बुबा टोप बहादुर श्रेष्ठको ५१ वर्षको उमेरमा सोमबार बिहान निधन भएको हो ।
अघिल्लो दिन सामान्य ज्वरो आएका श्रेष्ठको भोलि बिहान अकस्मात् निधन भएको खबर प्राप्त भएको परिवारले जनाएको छ ।
पत्रकार श्रेष्ठसहित परिवारका सदस्यहरू पन्जाब पुगेपछि बुधवार बिहान स्वर्गीय श्रेष्ठको हिन्दु परम्परा अनुसार दाहसंस्कार गरिएको छ ।
स्वर्गीय श्रेष्ठका श्रीमती, एक छोरी र दुई छोरा छन्। भने डिजिटल आर्थिक पत्रिका अर्थसरोकारडटकममा कार्यरत पत्रकार श्रेष्ठ कान्छा छोरा हुन् ।
यो अकल्पनीय, अप्रिय घटना भोगी रहेको शोकाकुल श्रेष्ठ परिवारमा ईश्वरले धैर्य धारण गर्न सक्ने शक्ति प्रदान गरुन् भन्दै, स्वर्गीय पवित्र आत्माको चिर शान्तिको कामना सहित सोधपत्रडटकम परिवार भावपूर्ण श्रद्धाञ्जली अर्पण गर्दछ ।
