बैतडीः बैतडीको पुर्चौंडी नगरपालिका वडा नं ४ लाई सिल गरिएको छ । एकै वडाका ९ जनामा बिहीबार कोरोना पुष्टि भएपछि वडा सिल गर्ने निर्णय भएको हो । संक्रमितको सम्पर्कमा रहेकाहरुको स्वाब संकलन गरिएको र कोरोना परीक्षणका लागि पठाइएको बताइएको छ ।
भारतबाट फर्केकाहरुमा कोरोनाको पुष्टि भएको र उनीहरु होम आइसोलेसनमा बसीरहेकाले उनीहरुको सम्पर्कमा रहेकाको स्वाब संकलन गरिएको पुर्चौंडी नगरपालिकाले जनाएको छ । यस्तै पुर्चौंडी नगरपालिका वडा नं ५ को कार्यालयले पनि एक सूचना प्रकाशन गर्दै वडा नं ४ का ९ जनामा संक्रमण देखिएकाले उच्च सतर्कता अपनाउन आग्रह गरेको छ ।
वडा नम्बर ४ सील गरिएकाले सो वडामा अनावश्यक रुपमा हिडडुल नगर्न समेत वडाले प्रकाशन गरेको सूचनामा उल्लेख गरिएको छ ।
