भारतको देहरादुनस्थित भगवान्तपुर, पुरकोल रोडस्थित शाक्य एकेडमीमा अध्ययनरत ५१ जना विद्यार्थी दशैंको दिनमा निर्घात कुटिएकामध्ये २ जना नेपाली विद्यार्थी महेन्द्रनगर आइपुगेका छन् ।
देहरादुनको भगवान्तपुर, पुरकोल रोडस्थित शाक्य एकेडमीमा अध्ययनरत ५१ जना विद्यार्थी लाइ कार्तीक १० गते कुटिएको उनका अभिभावकहरूले बताएका थिए । ती मध्ये ५ जना भागेर नेपाल–भारत सीमा नाका गड्डाचौकी पुगेको जिल्ला प्रहरी कार्यालय कञ्चनपुरले जनाएको छ ।
५ जना मध्येमा ३ जना भारतीय र २ जना नेपाली रहेको जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापा क्षेत्रीले बताए । भारतीय विद्यार्थीलाई भने फर्काइएको प्रहरी नायव उपरीक्षक थापा क्षेत्रीले जानकारी दिए ।
५१ जनालाई नेपाल फर्कन लागेको निहुँमा देहरादुनस्थित शाक्य एकेडेमीका अध्यक्ष तथा प्रमुख लामा रिम्पोचे ज्ञानबज्रले कार्तीक १० मा निर्घात कुटपिट गरेको विद्यार्थीका अभिभावकहरूले बताएका थिए ।
