धनगढीः कञ्चनपुरमा जङ्गली बँदेल मारेर मासु बनाउने तयारीमा रहेका २ जना पक्राउ परेका छन्। शुक्लाँफाँटा राष्ट्रिय निकुञ्ज बागफाँटा बाट जङ्गली बँदेल मारेर बेतकोट नगरपालिका सुडा पु¥याएका सुडाका ज्ञानेन्द्र पाण्डे र पुष्कर विष्ट शुक्रवार पक्राउ परेका हुन्।
उनीहरूले जङ्गली बँदेल मारेर ल्याई पोलेर काट्ने तयारी गरी रहेकै समयमा गोप्य सूचनाका आधारमा डिभिजन वन कार्यालय र शुक्लाफाँटा राष्ट्रिय निकुञ्जको संयुक्त टोली सुडा स्थित आरामीलमा पुगेको थियो।
आरामीलमा बँदेलको मासु बनाउन राखीएको ग्यास, तराजु र घरेलु हतियार पनि बरामद गरीएको शुक्लाफाँटा राष्ट्रिय निकुञ्जका प्रमुख लक्ष्मण पौडेलले बताए। पक्राउ परेका उनिहरुमाथी थप अनुशन्धान भई मुद्दा अघि बढाइने शुक्लाफाँटा राष्ट्रिय निकुञ्जले जनाएको छ।
