धनगढीः धनगढीका ४ सहित सुदूरपश्चिम प्रदेशमा बुधबार थप ८ जनामा कोरोना संक्रमण पुष्टि भएको छ ।
पछिल्लो २४ घण्टामा सेती प्रादेशिक अस्पताल प्रयोगशाला र अछामको कमलबजार नगरपालिकाको प्रयोगशालामा १ सय ७७ जनाको परीक्षण गरिएकोमा ८ जनामा संक्रमण पुष्टि भएको सामाजिक विकास मन्त्रालयका प्रवक्ता नरेन्द्र कार्कीले जानकारी दिए । उनका अनुसार सेती अस्पताल प्रयोगशालामा ६ र कमलबजार नगरपालिकाको प्रयोगशालामा २ जनामा संक्रमण देखिएको हो ।
सेती अस्पतालका सूचना अधिकारी दिलिपकुमार श्रेष्ठले धनगढी उपमहानगरपालिकाका ४ जना, कञ्चनपुरको भीमदत्त नगरपालिका र दशरथचन्द नगरपालिकाका १÷१ जनामा संक्रमण पुष्टि भएको जानकारी दिए ।
श्रेष्ठका अनुसार धनगढी उपमहानगरपालिका वडा नम्बर २, ३ र ५ का १र१ जना र वडा नखुलेको १ जनामा कोरोना संक्रमण पुष्टि भएको हो । यो सँगै सुदूरपश्चिममा संक्रमितको संख्या ९ हजार ६ सय २० पुगेको छ। संक्रमित मध्ये ७ हजार ५ सय बढीले कोरोना जितेका छन् भने ३० जनाको मृत्यु भएको छ।
