चार दिनको मतगणनापछि अन्ततः बाइडेनले जित्दा टिभी होस्ट लाइभमा बोल्दाबोल्दै रोए

चार दिनको मतगणनापछि अन्ततः बाइडेनले जित्दा टिभी होस्ट लाइभमा बोल्दाबोल्दै रोए

बाइडेनले जित्दा जब टिभी होस्ट लाइभमा बोल्दाबोल्दै रोए
Advertisement

वासिङटनः चार दिनको मतगणनापछि अन्ततः जो बाइडेन अमेरिकाको राष्ट्रपतिमा निर्वाचित भए । अमेरिकी नागरिकले ४६औँ राष्ट्रपतिको रुपमा बाइडेनलाई पाए ।

विशेष गरी डोनल्ड ट्रम्प विरोधी आम समुदायका लागि भने यो ऐतिहासिक खुसीको क्षण थियो । मुस्लिम, महिला, आप्रवासी तथा अल्पसंख्यक समुदायका अधिकांश युवाहरुले बाइडेनले जितेकोमा भन्दा पनि ट्रम्पले हारेकोमा खुसियाली मनाए ।

प्रतिष्ठित मिडिया सिएनएनका चर्चित होस्ट भान जोन्स त चुनावी परीणामबारे विश्लेषण गर्दागर्दै लाइभ प्रशारणमै रोए । जोन्सले बाइडेनको जितसँगै आफू रोएको भिडियो क्लिप ट्वीटरमा शेयर गर्दै लेखे, ‘यस बिहान अभिभावक बन्न सजिलो छ, बच्चाहरुलाई चरित्रबारे भन्न सजिलो छ ।’

टिभीको लाइभ शोमा उनले भनेका थिए, ‘यो थुप्रै पीडामा गुज्रिरहेका मानिसहरुका लागि एक प्रमाण हो । मैले स्वास फेर्न सकिनँ, त्यो जर्ज फ्लोइडको लागि मात्रै थिएन, त्यहाँ थुप्रै मानिस थिए, जसले स्वास फेर्न सकेनन् ।’

यस्तो भनिरहँदा जोन्स टिभीमा रुँदै गरेका थिए । साथै उनले कार्यक्रमबाटै बाइडेन र कमला ह्यारिसलाई बधाइ समेत दिए । उनले आफ्ना छोराहरुले यो हेरुन् भन्ने चाहेको र सिंगो देशका लागि यो एक सुन्दर दिन भएको प्रतिक्रिया दिए । ‘यो देशका लागि यो सुन्दर दिन हो । मलाई माफ गर्नूस्, जसले यसकै लागि जीवन त्यागे उनीहरुका लागि यो राम्रो दिन भएन, तर धेरैका लागि यो सुन्दर दिन हो,’ जोन्सले भनेका छन् ।

जोन्सले भनेका छन्, ‘जो बाइडेन हाम्रो अबको राष्ट्रपति हुनेछन् । र डोनल्ड ट्रम्प हुने छैनन् । यदी तपाईँ यो देशमा मुस्लिम  हुनुहुन्छ भने तपाईँले राष्ट्रपतिले तपाईँलाई नचाहेकोमा चिन्ता लिनु पर्दैन । यदी तपाईँ आप्रवासी हो भने तपाईँले आफ्ना बालबच्चाहरुलाई टाढा लैजाने बारे सोच्नु पर्दैन । यदी तपाईँ एक स्वप्नद्रष्टा हुनुहुन्छ भने तपाईँ कारण विना नै बाहिर पठाइनुहुन्छ । जब जर्ज फ्लोडको हत्या भएको थियो, उनले मैले स्वास फेर्न सकिनँ भनेका थिए । यी बितेका चार वर्षको अवधिमा हामीमध्ये धेरैले स्वास फेर्न सकेनौँ,’ जोन्सले भनेका थिए ।

नवनिर्वाचित बाइडेनले भने शनिबार सम्बोधनको क्रममा अमेरिकीहरुलाई एकतावद्ध बनाउने र विभाजनलाई निको पार्ने बताएका थिए । ७८ वर्षीय जो बाइडेन अमेरिकामा सबैभन्दा बढी उमेरको राष्ट्रपतिको रुपमा चिर्वाचित भएका छन् । साथै ट्रम्प दोस्रो कार्यकाल चलाउन नपाउने दोस्रो राष्ट्रपति ।

वाणिज्य,आपूर्ति तथा उपभोक्ता संरक्षण कार्यालय धनगढी, कैलाली

प्रतिक्रिया दिनुहोस्

सम्बन्धित समाचार