धनगढीः अरिङगालको टोकाइबाट घाइते भएका अछामका एक पुरुषको मृत्यु भएको छ। अछामको बान्नीगढी–जयगढ गाउँपालिका वडा नम्बर ५ का ४८ वर्षीय गोकर्ण रावलको उपचारका क्रममा काठमाडौंमा मृत्यु भएको हो।
उनलाई गत मंसिर २ गते अरिङगालले टोकेको थियो। अछाममा उपचार सम्भव नभएपछि उनलाई थप उपचारका लागि धनगढी ल्याइएको थियो।
सेती प्रादेशिक अस्पतालले पनि रेफर गरेपछि उनलाई हेलिकोप्टरमार्फत उपचारका लागि काठमाण्डौ लगिएको थियो।
उपचारकै क्रममा बुधबार बिहान काठमाडौंको ग्राण्डी अस्पतालमा रावलको मृत्यु भएको पारिवारिक स्रोतले जानकारी दिएको छ ।
